01
✦
ხარისხი და პროფესიონალიზმი
უნივერსიტეტი ისწრაფვის სწავლა-სწავლების, კვლევის, მართვისა და საუნივერსიტეტო სერვისების მაღალი ხარისხისაკენ, ხელს უწყობს აკადემიური და ადმინისტრაციული პერსონალის პროფესიულ განვითარებას და საქმიანობაში ხელმძღვანელობს კომპეტენტურობისა და პასუხისმგებლობის პრინციპებით.
02
✦
აკადემიური თავისუფლება და გამოხატვის თავისუფლება
უნივერსიტეტი იცავს აკადემიური პერსონალის, მკვლევრებისა და სტუდენტების უფლებას, ეთიკური და პროფესიული სტანდარტების დაცვით დამოუკიდებლად განახორციელონ სწავლება, სწავლა და კვლევა, თავისუფლად გამოხატონ და განიხილონ მოსაზრებები, შეხედულებები და იდეები.
03
✦
კეთილსინდისიერება, სამართლიანობა და გამჭვირვალობა
უნივერსიტეტი საქმიანობას წარმართავს აკადემიური და პროფესიული კეთილსინდისიერების, ეთიკის, სამართლიანობის, მიუკერძოებლობის, ანგარიშვალდებულებისა და გამჭვირვალობის პრინციპების დაცვით.
04
✦
თანასწორობა და ინკლუზიურობა
უნივერსიტეტი პატივს სცემს ადამიანის ღირსებასა და მრავალფეროვნებას, უზრუნველყოფს თანასწორ მოპყრობას და ხელს უწყობს ყველასათვის ხელმისაწვდომი, უსაფრთხო, ინკლუზიური და დისკრიმინაციისგან თავისუფალი გარემოს შექმნას.
05
✦
კვლევა და ინოვაციურობა
უნივერსიტეტი ხელს უწყობს კვლევითი კულტურის განვითარებას, ახალი ცოდნის შექმნასა და გავრცელებას, ინოვაციურ აზროვნებას და კვლევის შედეგების განათლებასა და საზოგადოებრივ ცხოვრებაში გამოყენებას.
06
✦
მთელი ცხოვრების მანძილზე სწავლა და განვითარება
უნივერსიტეტი ხელს უწყობს სტუდენტების, კურსდამთავრებულებისა და პერსონალის უწყვეტ განათლებას, პროფესიულ და პიროვნულ განვითარებასა და ცვალებად გარემოსთან ადაპტირებას.
07
✦
სოციალური პასუხისმგებლობა და მდგრადი განვითარება
უნივერსიტეტი აცნობიერებს პასუხისმგებლობას საზოგადოების წინაშე, ხელს უწყობს საუნივერსიტეტო საზოგადოების სამოქალაქო ჩართულობას და თავისი საქმიანობით წვლილი შეაქვს საზოგადოებრივი კეთილდღეობისა და სოციალური, ეკონომიკური და გარემოსდაცვითი მდგრადობის უზრუნველყოფაში.
08
✦
საერთაშორისო თანამშრომლობა და გლობალური ხედვა
უნივერსიტეტი ხელს უწყობს საერთაშორისო აკადემიურ და სამეცნიერო თანამშრომლობას, კულტურათაშორის დიალოგს, ცოდნისა და გამოცდილების გაცვლასა და საუნივერსიტეტო საზოგადოების საერთაშორისო საგანმანათლებლო და კვლევით სივრცეში ინტეგრაციას.
