სტომატოლოგიურ კლინიკას აქვს სასწავლო დანიშნულებაც. იგი სტუდენტებს ეხმარება სწავლის პროცესში მიღებული თეორიული ცოდნის პრაქტიკაში გამოყენებაში, პროფესიული უნარ-ჩვევების გამომუშავებასა და კონკრეტული კლინიკური მიზნების მიღწევაში.

კლინიკა თანამედროვე მოთხოვნების შესაბამისად ამზადებს მაღალკვალიფიციურ სპეციალისტებს დამოუკიდებელი პროფესიული საქმიანობისთვის. აქ მიმდინარეობს რეზიდენტთა პრაქტიკული მომზადება და დოქტორანტების სამეცნიერო კვლევები.