ჟურნალისტიკისა და ჰუმანიტარულ მეცნიერებათა ფაკულტეტი

საქართველოს დავით აღმაშენებლის სახელობის უნივერსიტეტის სოციალურ და ჰუმანიტარულ მეცნიერებათა ფაკულტეტი, წარმოადგენს თანამედროვე აკადემიურ სივრცეს, რომელიც სტუდენტებს სთავაზობს ხარისხიან, მათზე ორიენტირებულ განათლებას, საერთაშორისო სტანდარტებსა და ეროვნული შრომის ბაზრის მოთხოვნებზე მორგებულ საგანმანათლებლო პროგრამებს.

ფაკულტეტის საქმიანობა ეფუძნება უნივერსიტეტის მისიას, რომლის მთავარი მიზანია მაღალი პროფესიული კომპეტენციის, პასუხისმგებლობის, დემოკრატიული ღირებულებების, და კრიტიკული აზროვნების მქონე სპეციალისტების მომზადება. ფაკულტეტი ხელს უწყობს სტუდენტების პროფესიულ, პიროვნულ განვითარებას, აკადემიური თავისუფლების, თანასწორობის, ინკლუზიურობისა და უწყვეტი განათლების პრინციპების დაცვით.

სოციალურ და ჰუმანიტარულ მეცნიერებათა ფაკულტეტი ახორციელებს თანამედროვე მოთხოვნებზე დაფუძნებულ საბაკალავრო და სამაგისტრო საგანმანათლებლო პროგრამებს, რომლებიც აერთიანებს თეორიულ ცოდნას, პრაქტიკულ გამოცდილებასა და კვლევით კომპონენტებს. დღეს ფაკულტეტი სტუდენტებს სთავაზობს შემდეგ საგანმანათლებლო პროგრამებს:

• ჟურნალისტიკის საბაკალავრო პროგრამა;
• ჟურნალისტიკის სამაგისტრო პროგრამა;
• საერთაშორისო ურთიერთობების საბაკალავრო პროგრამა;
• საერთაშორისო ურთიერთობების სამაგისტრო პროგრამა;
• ინგლისური ფილოლოგიის საბაკალავრო პროგრამა.

ფაკულტეტის პრიორიტეტია სწავლებისა და კვლევის მაღალი ხარისხი, ინოვაციური სწავლების მეთოდების დანერგვა, თანამედროვე სასწავლო რესურსების ხელმისაწვდომობა და პროფესიული უნარების განვითარება. ამ მიზნების მისაღწევად უნივერსიტეტი უზრუნველყოფს თანამედროვე ინფრასტრუქტურას, მატერიალურ-ტექნიკურ ბაზას, მდიდარ საბიბლიოთეკო რესურსსა და ციფრულ საგანმანათლებლო შესაძლებლობას. უნივერსიტეტს აქვს საკუთარი ავტორიზებული ტელევიზია – სდასუ TV, სადაც ჟურნალისტიკის მიმართულების სტუდენტები ეწევიან პრაქტიკულ სამუშაოებს, აქტიურად არიან ჩართულები გადაცემების მომზადების  პროცესში.

ფაკულტეტი განსაკუთრებულ ყურადღებას უთმობს სტუდენტური ცხოვრების მრავალფეროვნებასა და აკადემიური საზოგადოების განვითარებას. სტუდენტები აქტიურად მონაწილეობენ სამეცნიერო კონფერენციებში, კვლევით პროექტებში, კულტურულ, საგანმანათლებლო და საზოგადოებრივ ღონისძიებებში, რაც ხელს უწყობს მათი ლიდერული, კომუნიკაციური და პროფესიული უნარების განვითარებას, ასევე თანამედროვე საზოგადოებაში წარმატებულ ინტეგრაციას.

თუ არჩევანს საქართველოს დავით აღმაშენებლის სახელობის უნივერსიტეტის, სოციალურ და ჰუმანიტარულ მეცნიერებათა ფაკულტეტზე შეაჩერებთ, გახდებით აკადემიური საზოგადოების წევრი, სადაც ხარისხიანი განათლება, პროფესიული განვითარება, კვლევა და სტუდენტური ინიციატივების მხარდაჭერა ერთიან საგანმანათლებლო გარემოს ქმნის. ჩვენ მზად ვართ, ცოდნასთან ერთად მოგცეთ ის გამოცდილება და ღირებულებები, რომლებიც თქვენი პროფესიული წარმატებისა და საზოგადოებრივი პასუხისმგებლობის საფუძველი გახდება