საერთაშორისო კონფერენცია -„თანამედროვე მსოფლიო გამოწვევები: ადამიანის უფლებების, სოციალური უზრუნველყოფის და კეთილდღეობის რეგულირება თანამედროვე მულტიკულტურულ სამყაროში“.

„მულტიკულტურული ჯგუფი“ საერთაშორისო პარტიორებთან და ადგილობრივ და უცხოურ უნივერსიტეტებთან და გამომცემლობებთან თანამშრომლობით მიმდინარე წლის 20 დეკემბერს,  მართავს  მეხუთე საერაშორისო კონფერენციას: „თანამედროვე მსოფლიო გამოწვევები: ადამიანის უფლებების, სოციალური უზრუნველყოფის და კეთილდღეობის რეგულირება თანამედროვე მულტიკულტურულ სამყაროში“.

კონფერენციის მიზანი: კონფერენციის მიზანია მონაწილეებმა გაცვალონ და შეაჯერონ წამყვანი აკადემიური წრეების  პროფესიონალთა, მეცნიერთა, მკვლევართა და დოქტორანტთა შეხედულებები თანამედროვე მსოფლიო გამოწვევების ირგვლივ. კონფერენცია წარმოადგენს მთავარ ინტერდისციპლინურ ფორუმს მკვლევარებისთვის, პრაქტიკოსებისთვის და პროფესორ – მასწავლებლებისთვის, რათა წარმოადგინონ და განიხილონ თავიანთი ხედვები მიმდინარე პროცესების ირგვლივ.

კონფერენციაში მონაწილეობის მიღება შეუძლიათ, ქართველ და უცხოელ პროფესორ-მასწავლებლებს ნებისმიერი ავტორიზებული უმაღლესი საგანმანათლებლო  დაწესებულებიდან, მკვლევარებს, სამაგისტრო და სადოქტორო პროგრამების საფეხურის სტუდენტებს.

მიმართულებები:

საერთაშორისო ურთიერთობები; ბიზნესი და ეკონომიკა; ინფორმაციული ტექნოლოგიები; სამართალი;  მედიცინა; ჟურნალისტიკა; განათლება; ფილოლოგია.

სამუშაო ენები – ქართული, ინგლისური.

ფორმატი: დისტანციურად, Zoom Platform-ით

კონფერენციაში მონაწილეობის პირობები და მნიშვნელოვანი თარიღები:

• მონაწილეობის მისაღებათ გთხოვთ გადმოაგზავნოთ აბსტრაქტი შემდეგ ელ: ფოსტაზე multiculturalgroup7@gmail.com   არაუგვიანეს 10 დეკემბრისა.
• დასტურის მიღება – 15 დეკემბერი
• კონფერენციაში მონაწილეობის თანხა – 50 ევრო
• პარტნიორ უნივერსიტეტების პროფესორ მასწავლებლებისათვის – 30 ევრო
• დაწვრილებითი დეტალებისათვის იხილეთ ინგლისური ვერსია

დამატებითი მოთხოვნები:

• წარმოდგენილ საკონფერენციო ნაშრომს უნდა ჰყავდეს ერთი ან ორი ავტორი;
• მაგისტრანტის ან დოქტორანტის მონაწილეობის შემთხვევაში აუცილებელია მიეთითოს ხელმძღვანელის სახელი, გვარი, აკადემიური ხარისხი;
• წარმოდგენილი აბსტრაქტი უნდა იყოს შესაბამისობაში კონფერენციის მიზანთან და გაფორმდეს მოთხოვნის შესაბამისად:

ენა – ქართული, ინგლისური

გვერდის ფორმატი – A4;

შრიფტი – Sylfaen;

შრიფტის ზომა – 11;

ინტერვალი – 1.15

ტექსტის მოცულობა: 150-250 სიტყვა და თან ახლდეს 5-7 საკვანძო სიტყვა;

აბსტრაქტი უნდა მოიცავდეს – მოხსენების სათაურს, ინფორმაციას ავტორზე (სახელი, გვარი, უნივერსიტეტი/სკოლა, ფაკულტეტი, პროგრამა; ელ-ფოსტა)