SDASU: E-Learning App შექმნილია იმისთვის, რომ უნივერსიტეტის ვებგვერდი და ძირითადი ელექტრონული სერვისები მომხმარებლისთვის ყოველთვის ხელმისაწვდომი იყოს — პირდაპირ მობილური ტელეფონიდან.

აპლიკაციის გახსნისთანავე მომხმარებელი ხვდება სდასუ-ს ოფიციალურ ვებგვერდზე, საიდანაც შეუძლია გაეცნოს უნივერსიტეტის სიახლეებს, ღონისძიებებს, საგანმანათლებლო პროგრამებს, ფაკულტეტებს, სასწავლო ცხრილებს, საკონტაქტო ინფორმაციას და სხვა მნიშვნელოვან რესურსებს.

სტუდენტებსა და ლექტორებს შეუძლიათ სწრაფად გადავიდნენ საკუთარ ელექტრონულ ბაზებში, ხოლო ელექტრონული ბიბლიოთეკის კატალოგი მომხმარებელს უნივერსიტეტის ბიბლიოთეკის რესურსების მოძიებისა და დათვალიერების შესაძლებლობას აძლევს.

აპლიკაციაში ინტეგრირებულია Push შეტყობინებები. მომხმარებლები დროულად იღებენ ინფორმაციას ახალი ამბების, ღონისძიებების, სასწავლო ცხრილების განთავსებისა და სხვა მნიშვნელოვანი კონტენტის განახლების შესახებ.

აპლიკაცია ხელმისაწვდომია როგორც Apple App Store-ში, ასევე Google Play Store-ში და წარმოადგენს უნივერსიტეტის ციფრული განვითარების, თანამედროვე კომუნიკაციისა და სტუდენტებზე მუდმივი ზრუნვის კიდევ ერთ მნიშვნელოვან ნაბიჯს.