Erasmus+ პროგრამის ფარგლებში კასტამონუს უნივერსიტეტთან თანამშრომლობის ხელშეკრულება გაფორმდა

სიხარულით გაცნობებთ, რომ კასტამონუს უნივერსიტეტსა და შპს საქართველოს დავით აღმაშენებლის სახელობის უნივერსიტეტს შორის,
Erasmus+ პროგრამის ფარგლებში, თანამშრომლობის ხელშეკრულება გაფორმდა.
უმაღლესი საგანმანათლებლო დაწესებულებები თანხმდებიან,
ითანამშრომლონ Erasmus+ პროგრამის ფარგლებში სტუდენტებისა და/ან
პერსონალის გაცვლის მიზნით.

ინსტიტუციები იღებენ ვალდებულებას, უზრუნველყონ პროგრამის
ფარგლებში მათთვის გამოყოფილი ფინანსური რესურსების გამჭვირვალე და
ეფექტიანი მართვა.

ამასთანავე, მხარეები მზადყოფნას გამოთქვამენ, დაიცვან ხარისხის ის
მოთხოვნები, რომლებიც განსაზღვრულია უმაღლესი განათლების Erasmus-ის
ქარტიასა და წინამდებარე შეთანხმებაში.

საქართველოს დავით აღმაშენებლის სახელობის უნივერსიტეტი ულოცავს
სტუდენტებს, აკადემიურ და ადმინისტრაციულ პერსონალს ამ მნიშვნელოვან
წარმატებას და ახალი საერთაშორისო შესაძლებლობების გახსნას.