დეკანის მიმართვა
კეთილი იყოს თქვენი მობრძანება ბიზნესისა და ტექნოლოგიების სკოლაში!

თუ თქვენ გსურთ იცხოვროთ 21-ე საუკუნის რიტმით, თვალი ადევნოთ ეკონომიკის, ბიზნესისა და ტექნოლოგიების სფეროში არსებულ სიახლეებს, არ ჩამორჩეთ მიმდინარე ეკონომიკურ და ბიზნეს პროცესებს, საზოგადოებრივ მოვლენებს, ისწავლოთ, როგორ მოიპოვოთ, გადაამუშაოთ ინფორმაცია, გახდეთ პროფესიონალი ბიზნესის ადმინისტრირების, ტურიზმის, ინფორმაციული ტექნოლოგიების მაღალკვალიფიციური სპეციალისტები, შეძლოთ საინფორმაციო ტექნოლოგიების საშუალებით მართოთ სხვადასხვა დარგში მიმდინარე პროცესები, იყოთ შიდა და საერთაშორისო საგანმანათლებლო სივრცესა და შრომით ბაზარზე კონკურენტუნარიანები, შეძლოთ მუდმივად ცვალებად გარემოში ადაპტირება, მაშინ საქართველოს დავით აღმაშენებლის სახელობის უნივერსტიტეტის ბიზნესისა და ტექნოლოგიების სკოლა თქვენი სწორი არჩევანია.
ჩვენ გთავაზობთ მრავალფეროვან საბაკალავრო, სამაგისტრო და სადოქტორო საგანმანათლებლო პროგრამებს, რომლის კურსდამთავრებულები წარმატებით იწყებენ მოღვაწეობას, მათი პროფესიის შესაბამის პოზიციებზე როგორც საჯარო, ასევე კერძო სექტორში. იმისათვის, რომ დარწმუნდეთ ჩვენს საუნივერსიტეტო შესაძლებლობებსა და უნიკალურობაში, სდასუ ყველა მსურველს იწვევს, რათა დაათვალიეროს საერთაშორისო სტანდარტების მქონე სასწავლო აუდიტორიები, ლაბორატორიები, ტელევიზია და ბიბლიოთეკა. პირადად გაეცნოთ სწავლების სრულყოფილ თანამედროვე ტექნოლოგიებს, მაღალი კვალიფიკაციის მქონე პროფესორ-მასწავლებლებს.
ბიზნესისა და ტექნოლოგიების სკოლის სტუდენტები აქტიურად არიან ჩართულნი ქვეყნის მართვის განხორციელებასა და სამოქალაქო საზოგადოების მშენებლობაში. ასე რომ, თუ გსურთ სამყარო გახადოთ უკეთესი, დაამსხვრიოთ სტერეოტიპები, იცხოვროთ ინფორმირებულ საზოგადოებაში, შემოგვიერთდით!

გისურვებთ წარმატებებს!

ქეთევან ნანობაშვილი,
პროფესორი, საქართველოს ბიზნესის მეცნიერებათა
აკადემიის აკადემიკოსი