სიახლეები

2017 წლის 21 დეკემბერს 16 საათზე შედგება მედიცინისა და სტომატოლოგიის სკოლის მედიცინის სადოქტორო პროგრამის დოქტორანტ თეა გაბუნიას სადისერტაციო ნაშრომის „პაროდონტის ქსოვილების ლაზერით მკურნალობის ზოგიერთი იმუნოლოგიურ-მოლეკულური ასპექტი“ საჯარო დაცვა. მისამართი: ვაკე, ჭავჭავაძის N 25, დავით აღმაშენებლის სახელობის დარბაზი
ვრცლად ...

საქართველოს იუსტიციის სამინისტრომ საქართველოს დავით აღმაშენებლის სახელობის უნივერსიტეტთან ურთიერთთანამშრომლობის მემორანდუმი გააფორმა. მემორანდუმს ხელი იუსტიციის მინისტრმა თეა წულუკიანმა და სდასუ-ს რექტორმა თეიმურაზ ქორიძემ მოაწერეს. მემორანდუმის ფარგლებში სდასუ-ს სამართლის სკოლის ყველა სტუდენტს შესაძლებლობა ექნება გახდეს საკანონმდებლო "მაცნეს კლუბის" წევრი. ასევე სტუდენტებს გადაეცემათ ვაუჩერები, რომლითაც შეძლებენ უსასყიდლოდ მიიღონ ნორმატიული აქტები თუ სხვა სახის იურიდიული ლიტერატურა.
ვრცლად ...

ცნობილი ქართველი მწერალი - დათო ტურაშვილი საქართველოს დავით აღმაშენებლის სახელობის უნივერსიტეტს ესტუმრა. მწერალმა უნივერსიტეტი დაათვალიერა და სტუდენტებთან საჯარო შეხვედრა გამართა. შეხვედრა ძალიან საინტერესო იყო და იგი კითხვა-პასუხის ფორმატში წარიმართა. ბესტსელერების ავტორმა სტუდენტებს შეხვედრის ბოლოს საკუთარი წიგნები წარუდგინა და მათი დაწერის ისტორიებიც უამბო.
ვრცლად ...

2017 წლის 30 ნოემბერს 16 საათზე შედგება მედიცინისა და სტომატოლოგიის სკოლის მედიცინის სადოქტორო პროგრამის დოქტორანტ ირაკლი ვარძუკაშვილის სადისერტაციო ნაშრომის „თანდაყოლილი სქოლიოზის მკურნალობის შედეგების პროგნოზირება, ხერხემლის ნახევარმალის მქონე პაციენტებში“ საჯარო დაცვა. მისამართი: ვაკე, ჭავჭავაძის N25, დავით აღმაშენებლის სახელობის დარბაზი
ვრცლად ...

2 ნოემბერს, 14 საათზე ცნობილი მწერალი და ბესტსელერების ავტორი დავით ტურაშვილი სდასუ-ს სტუდენტებს შეხვდება. საჯარო ლექციის თემა თანამედროვე ლიტერატურა იქნება. დასწრება თავისუფალია! მის: ვაკე, ჭავჭავაძის # 25 სდასუ-ს საკონფერენციო დარბაზი
ვრცლად ...

საზოგადოებრივი მაუწყებლის "პირველი არხის" პოლიტიკური გადაცემების ტელეწამყვანი ზვიად ავალიანი სდასუ-ს მედიის სკოლის სტუდენტებს შეხვდა. საჯარო ლექციის ძირითადი თემატიკა პოლიტიკური თოქ-შოუების სპეციფიკა და დარგობრივი ჟურნალისტიკა გახლდათ. შეხვედრა ძალიან საინტერესო იყო და იგი კითხვა-პასუხის რეჟიმში წარიმართა.
ვრცლად ...

შოთა რუსთაველის საქართველოს ეროვნული სამეცნიერო ფონდი გაცნობებთ, რომ მიმდინარეობს მაგისტრანტთა სასწავლო-კვლევითი პროექტების გრანტით დაფინანსების 2017 წლის კონკურსი. ელ. ფოსტის საშუალებით საკონკურსო დოკუმენტაციის გამოგზავნის ბოლო ვადაა 24 ოქტომბერი. კონკურსში მონაწილეობის შესახებ ამობეჭდილი და ხელმოწერილი განცხადების კანცელარიაში დარეგისტრირების ბოლო ვადაა 27 ოქტომბერი. დეტალური ინფორმაცია კონკურსის შესახებ იხილეთ ფონდის ვებ გვერდზე: rustaveli.org.ge
ვრცლად ...

ყველას ვისაც გიყვართ ან უბრალოდ გაინტერესებთ ჩინური კულტურა და ხელოვნება ორშაბათს, 9 ოქტომბერს, 14 საათზე გიწვევთ გამოფენაზე, რომელიც გაიმართება სდასუ-ში. დამთვალიერებელს შესაძლებლობა ექნება ჩინეთის წამყვანი უნივერსიტეტის წარმომადგენლებთან ერთად უშუალოდ გაეცნოს უძველეს კულტურასთან შერწყმულ თანამედროვე ხელოვნების ნიმუშებს.
ვრცლად ...

საქართველოს დავით აღმაშენებლის სახელობის უნივერსიტეტში დღეს საქმიანი ვიზიტით იმყოფებოდნენ ჩინეთის, ლანჟოუს და შანხაის უნივერსიტეტის პროფესორები. სტუმრობის ძირითადი მიზანი იყო მათი და ჩვენი პროფესორების მიერ ერთობლივი კვლევების ჩატარება. შეხვედრისას დაიგეგმა მომავალი თანამშრომლობა, მათ შორის სტუდენტებისა და პროფესორების გაცვლით პროგრამებში ჩართვა, ერთობლივი კონფერენციების ჩატარება და სხვ. სდასუ-ს სტუდენტებისგან გამოითქვა ჩინური ენის შესწავლის სურვილი და შემდეგი კვირიდან ლანჟოუს უნივერსიტეტის წარმომადგენლები ჩვენს სტუდენტებს უფასოდ შეასწავლიან ჩინურ ენას.
ვრცლად ...

საქართველოს დავით აღმაშენებლის სახელობის უნივერსიტეტის რექტორს თეიმურაზ ქორიძესა და ლანჟოუს უნივერსიტეტის პროფესორს ჩე რუშანს შორის შედგა საქმიანი შეხვედრა. მათ ისაუბრეს სამომავლო ურთიერთთანამშრომლობაზე, რომელიც მოიცავს სტუდენტებისა და პროფესორების გაცვლით პროგრამებში ჩართვას, ერთობლივი კვლევებისა და სამეცნიერო კონფერენციების ჩატარებას სხვადასხვა მიმართულებით. დაიგეგმა ჩინური ენისა და კულტურის შემსწავლელი კურსები.
ვრცლად ...